48 წლის კაცი, რომელსაც გურიაში, სოფელ ნატანებში, თითქმის 2 თვის განმავლობაში ეძებდნენ, გარდაცვლილი იპოვეს. ინფორმაციას GuriaTv ავრცელებს.
გავრცელებული ცნობებით, ცხედარი მეზობელმა ტყეში წაბლის შეგროვების დროს იპოვა.
სავარაუდოდ, მას გარეული მხეცების კვალი ატყვია. ცხედარი ექსპერტიზაზეა გადაყვანილი.
გამოცემის ცნობით, კაცს, რომელსაც შშმ პირის სტატუსი ჰქონდა, ოჯახი და ახლობლები აგვისტოს დასაწყისიდან ეძებდნენ. საქმეში ჩართული იყო, როგორც სამართალდამცველი უწყება, ასევე სამაშველო სამსახური.
