ხალხის წინააღმდეგ სანქციები კატეგორიულად მიუღებელია, მთავრობის ანტიდემოკრატიული ქმედებებისთვის ხალხმა საფასური არ უნდა გადაიხადოს, – ამის შესახებ „გახარია საქართველოსთვის“ წევრმა, თეონა აქუბარდიამ ბრიფინგზე განაცხადა.
„ქართული ოცნების“ ანტიდემოკრატიული კანონმდებლობის და ქმედების გამო საქართველოს ევროკავშირში წინსვლა არის შეჩერებული და ეს არის ფაქტი. ევროკავშირში თავისუფალი მიმოსვლის საკითხს საფრთხე სწორედ „ქართულმა ოცნებამ“ შეუქმნა და ამ საკითხზე უკვე იყო ევროკავშირის წევრების მხრიდან სამწუხარო საუბარი. ამას ჩვენ ვეწინააღმდეგებოდით ყოველთვის და ვამბობდით, რომ ხალხი არ უნდა დაისაჯოს მთავრობის ანტიდემოკრატიული ქმედებების გამო, არჩევნები უნდა იყოს თავისუფალი შესაძლებლობა ხალხის და მთავრობას ნების დაახლოებისკენ.
ჩვენი გუნდის, ისევე, როგორც ჩემი პირადი მიზანია, არათუ საფრთხე შევუქმნათ ევროკავშირში თავისუფლად მიმოსვლას, არამედ საქართველო წავიყვანოთ ევროკავშირში. ეს არის ძალიან მნიშვნელოვანი, რომ ხალხის და მთავრობის პოზიცია იყოს ერთიანი და ხალხმა არ გადაიხადოს საფასური მთავრობის ანტიდემოკრატიული ქმედებებისათვის, მით უფრო მაშინ, როდესაც არჩევნები უნდა იყოს თავისუფალი არჩევანის შესაძლებლობა ხალხის მხრიდან ქვეყნის მომავლის განსასაზღვრად“, – აღნიშნა აქუბარდიამ.
