მე მგონი მართლა უნდა მოვნახოთ ჩვენს თავში ძალა და პირველ რიგში რუსებს მოვუხადოთ ბოდიში, ორასი წელი რომ ომში ვითრევთ, - ამის შესახებ რესპუბლიკური პარტიის ყოფილი წევრი დავით ზურაბიშვილი სოციალურ ქსელში წერს.
„მე მგონი მართლა უნდა მოვნახოთ ჩვენს თავში ძალა და პირველ რიგში რუსებს მოვუხადოთ ბოდიში, ორასი წელი რომ ომში ვითრევთ გარე ძალების დავალებით და ვაიძულებთ დაგვიპყროს, დაგვხოცოს და სახელმწიფოებრიობა გაგვიუქმოს. განა უნდათ, მაგრამ იძულებულს ხდიან უსამშობლო ნაცები და რა ქნან?“, - წერს დავით ზურაბიშვილი.
დღეს გორში „ქართული ოცნების“ საპატიო თავმჯდომარემ, ბიძინა ივანიშვილმა „ქართული ოცნების“ საარჩევნო კამპანიის რეგიონულ ღონისძიებაზე სიტყვით გამოსვლისას განაცხადა: „ჩვენ აუცილებლად გამოვძებნით საკუთარ თავში ძალას, რათა ბოდიში მოვიხადოთ იმის გამო, რომ დავალების შესაბამისად, მოღალატე „ნაციონალურმა მოძრაობამ“ 2008 წელს ცეცხლის ალში გახვია ჩვენი ოსი დები და ძმებს“.
