აშშ-ის პრეზიდენტი ჯო ბაიდენი ვაშინგტონში ბრიტანეთის პრემიერ -მინისტრს, კირ სტარმერს შეხვდა.
ორმა ლიდერმა კიდევ ერთხელ დაადასტურა ურყევი მხარდაჭერა უკრაინის მიმართ.
თუმცა, შეხვედრის შემდეგ უკრაინის შეიარაღებული ძალებისთვის მოსალოდნელი ნებართვის მიცემა რუსეთის ფედერაციის ტერიტორიაზე დასავლური იარაღით სამიზნეებზე დარტყმების შესახებ, არ გამოცხადებულა.
თეთრი სახლის განცხადების თანახმად, ამავდროულად, ბაიდენმა და სტარმერმა "გამოთქვეს ღრმა შეშფოთება" ირანისა და ჩრდილოეთ კორეის მიერ რუსეთისთვის "მომაკვდინებელი იარაღის" მიწოდების და "რუსული თავდაცვის ინდუსტრიული ბაზის მიმართ ჩინეთის სახალხო რესპუბლიკის მხარდაჭერის" შესახებ.
აშშ-ისა და დიდი ბრიტანეთის ლიდერებმა ასევე "დაადასტურეს თავიანთი მტკიცე ვალდებულება ისრაელის უსაფრთხოების მიმართ", აღნიშნეს "სასწრაფო აუცილებლობაზე ცეცხლის შეწყვეტის შესახებ, რომელიც გაათავისუფლებს მძევლებს და საშუალებას მისცემს გაზარდოს დახმარება ღაზის სექტორში". ხაზი გაუსვეს ისრაელის მეტი ძალისხმევის აუცილებლობას მშვიდობიანი მოსახლეობის დასაცავად და ღაზის სექტორში არსებული მძიმე ჰუმანიტარული სიტუაციის მოგვარებას.
ბაიდენმა და სტარმერმა დაგმეს „ირანის მიერ მხარდაჭერილი ჰუსიტების თავდასხმები წითელ ზღვაში სავაჭრო გემებზე“.
