პარიზის სააპელაციო სასამართლომ საფრანგეთის ყოფილი პრეზიდენტი ნიკოლა სარკოზი დამნაშავედ ცნო 2012 წელს კამპანიის უკანონო დაფინანსებაში და მხარი დაუჭირა ქვედა ინსტანციის გადაწყვეტილებას.
სარკოზის 2021 წელს, როდესაც ის პირველად დამნაშავედ ცნეს, ერთი წლით თავისუფლების აღკვეთა მიუსაჯეს, მაგრამ ეს სასჯელი შეჩერებული იყო, ვიდრე მისი გასაჩივრება მიმდინარეობდა.
სააპელაციო სასამართლომ ძალაში დატოვა ქვეყნის ყოფილი პრეზიდენტის, ნიკოლა სარკოზისთვის ერთწლიანი პატიმრობა, საიდანაც სასჯელის ნახევარი პირობითია. სარკოზის შეუძლია სასჯელი სახლში მოიხადოს ელექტრონული სამაჯურის ტარებით
ნიკოლა სარკოზის 2012 წლის კამპანიის უკანონო დაფინანსებას ედავებიან. ყოფილი პრეზიდენტი უარყოფს ბრალდებებს იმის თაობაზე, რომ მისი „რესპუბლიკელების“ პარტია მუშაობდა საზოგადოებასთან ურთიერთობის ფირმა Bygmalion-თან საარჩევნო კამპანიის დაფინანსების დასამალად.
პროკურორები ამტკიცებენ, რომ სარკოზიმ 2012 წლის საარჩევნო კამპანიაზე 42.8 მილიონი ევრო დახარჯა, რაც ნებადართულ თანხაზე თითქმის ორჯერ მეტია.
ნიკოლა სარკოზი გახდა საფრანგეთის პირველი პრეზიდენტი მეორე მსოფლიო ომის შემდეგ, რომელსაც მიესაჯა რეალური და არა პირობითი პატიმრობა.
