საქალაქო სასამართლოს პრესსამსახურის ინფორმაციით, სასამართლომ საქმის ფაქტობრივი გარემოებებისა და მტკიცებულებების შესწავლის შედეგად დაადგინა, რომ შპს "ჯორჯიან მაინინგ +"-ს, საგადასახადო ორგანოს გადაწყვეტილებით, დაერიცხა მიწის გადასახადი 64,214 ლარი.

იმის გამო, რომ შპს "ჯორჯიან მაინინგ +" გარემოს დაცვისა და ბუნებრივი რესურსების სამინისტროს მიერ გაცემული ლიცენზიის საფუძველზე აწარმოებს სასარგებლო წიაღისეულის მოპოვებას და მის სარგებლობაში არსებული მიწის ნაკვეთი განეკუთვნება სარეკულტივაციო მიწის ნაკვეთს, რაც საგადასახადო კოდექსის 276-ე მუხლის შესაბამისად ათავისუფლებს მეწარმეს მიწის გადასახადისაგან, სასამართლოს გადაწყვეტილებით, ბათილად იქნა ცნობილი შპს `ჯორჯიან მაინინგ +"-თვის 64,214 ლარის დარიცხვის საგადასახადო აქტი და მეწარმე გათავისუფლდა მითითებული თანხის გადახდის ვალდებულებისაგან.

სასამართლო გადაწყვეტილება შეიძლება გასაჩივრდეს თბილისის საქალაქო სასამართლოში, დასაბუთებული გადაწყვეტილების მხარეთათვის გადაცემის მომენტიდან, 14 დღის ვადაში.