სვანეთში ერთი კილომეტრი გზის მშენებლობა 600-700 ათასი ლარი ჯდება. ამის შესახებ მთავრობის დღევანდელ გასვლით სხდომაზე რეგიონალური განვითარებისა და ინფრასტრუქტურის მინისტრმა რამაზ ნიკოლაიშვილმა განაცხადა.
მისი განმარტებით, სათხილამურო ტრასებამდე მისასვლელი გზის მშენებლობა საერთო ჯამში 15 მილიონი ლარი ჯდება.
რაც შეეხება ხაიშიდან-მესტიამდე გზას, ნიკოლაიშვილის თქმით, მისი მშენებლობა აგვისტომდე დასრულდება.
"გამარჯვებული კომპანიები უკვე გვყავს", - დასძინა მან.
შეგახსენებთ, რომ მთავრობის დღევანდელი სხდომა მესტიაში გაიმართა.