დაღესტანში სამხედროებს თავს დაესხნენ.
შემთხვევა ქალაქ ყიზლარში, რკინიგზაზე მოხდა. უცნობმა პირებმა ასაფეთქებელი მოწყობილობა მაშინ აამოქმედეს, როცა ლიანდაგზე მოსკოვი-მახაჭკალას სამგზავრო მატარებელმა ჩაიარა. ამის გარდა, თავდამსხმელებმა ცეცხლი გახსნეს იმ სამხედროების მისამართითაც, რომლებიც რკინიგზას იცავდნენ.
შემთხვევის შედეგად დაიჭრა ერთი სამხედრო. მომხდარის გამო რაიონში სარკინიგზო მიმოსვლა შეჩერდა. დამნაშავეებმა კი, მიმალვა მოახერხეს.
შემთხვევის ადგილზე სარემონტო-სარეაბილიტაციო სამუშაოები უკვე დაწყებულია.
