საქართველოს ეკონომიკისა და მდგრადი განვითარების სამინისტრო მინისტრთან და და პირველ მოადგილესთან პირადად შეხვედრის მიზნით მოქალაქათა განაცხადების მიღებას დროებით წყვეტს.
ეკონომიკისა და მდგრადი განვითარების სამინისტროს ინფორმაციით, აღნიშნული ინიციატივის გამოცხადების შემდეგ სამინისტროში ათასობით განაცხადი შემოვიდა. წერილები სამინისტროს საქმიანობის გარდა, საზოგადოებაში დაგროვილ სხვადასხვა პრობლემებას შეეხებოდა. მათზე საჭირო რეაგირების მიზნით სამინისტროს ამ ეტაპზე მიზანშეწონილად მიაჩნია დროებით შეაჩეროს მოქალაქეთა ახალი წერილების მიღება, რათა მოახდინოს ძველ განაცხადებზე პასუხების გაცემა.
შეგახსენებთ, რომ 2010 წლის 30 ივლისს საქართველოს ეკონომიკისა და მდგრადი განვითარების მინისტრი საზოგადებასთან ურთიერთობის გაღრმავების მიზნით ახალი ინიციატივით გამოვიდა. აღსანიშნავია, რომ ეს ვერა ქობალიას მინისტრად დანიშვნის შემდეგ ერთ-ერთ პირველი ინიაციატივა იყო.
მინისტრის პირადი გადაწყვეტილებით ყოველ პარასკევს დილის თერთმეტიდან პირველ საათამდე ის პირადად ხვდებოდა ყველა მსურველს ნებისმიერ საკითხთან დაკავშირებით, რომელიც ეკონომიკისა და მდგრადი განვითარების სამინისტროს კომპეტენციაში შედიოდა. ანალოგიური მიღების საათები ქონდა მინისტრის პირველ მოადგილეს, რომელიც მოქალაქეებს ხუთშაბათობით ხვდებოდა. მინისტრთან და პირველ მოადგილესთან შეხვედრა სპეციალური ბლანკების შევსების შემდეგ იყო შესაძლებელი.
პროცესის განახლების შესახებ საზოგადოებისათვის ინფორმაცია პრესისა და მასობრივი ინფორმაციის საშუალებებით დამატებით გახდება ცნობილი.
