ფოთის აეროპორტში რეკონსტრუქციის პროცესი მიმდინარეობს.
მისი პროექტირება 2011 წლის აპრილისთვის დასრულდება, მაისიდან კი მშენებლობის პროცესი დაიწყება.
შედეგად, მომავალი წლის ბოლომდე ფოთში ახალი, საერთაშორისო სტანდარტების შესაბამისი აეროპორტი გაიხსნება, ახალი ასაფრენი ბილიკით და სრული ინფრასტრუქტურით.
ეკონომიკისა და მდგრადი განვითარების მინისტრმა რამოდენიმე დღის წინ პირადად დაათვალიერა ფოთის აეროპორტის ტერიტორიაზე მდებარე სანავიგაციო რადარი, რომელიც სამ თვეში აშენდა და უკვე 2 თვეა ფუნქციონირებს.
რადარის საშუალებით 350-400 კმ რადიუსში სამოქალაქო თვითმფრინავების მოძრაობის გაკონტროლება და ინფორმაციის თბილისში, ცენტრალურ სადისპეტჩეროში გადმოცემა ხდება.
სანავიგაციო რადარის მომსახურე პერსონალი - ინჟინრები, ტექნიკოსები ადგილობრივი ახალგაზრდა სპეციალისტები არიან, მათ რადარის მუშაობის პრინციპი ვერა ქობალიას თავად გააცნეს.
