ფინანსთა მინისტრისთვის ქუთაისში მიმდინარე პარლამენტის შენობის სამშენებლო სამუშაოებზე წლის განმავლობაში გახარჯული თანხის ოდენობა უცნობია.
შესაბამისი შეკითხვით კახა ბაინდურაშვილს პარლამენტის დღევანდელ სესიაზე, რომელზეც მან 2010 წლის სახელმწიფო ბიუჯეტის პროექტი წარადგინა, ოპოზიციის წარმომადგენელმა გიორგი ცაგარეიშვილმა მიმართა.
"მხარჯავი სუბიქტი ქუთაისის მუნიციპალიტეტია. ჩვენ წელს სახელმწიფო ბიუჯეტით მას 30 მლნ ლარი გადავეცით და კონკრეტულად რა თანხა დაიხარჯა პარლამენტის შენობის მშენებლობასა თუ სხვა პროექტებზე, ეს ქუთაისის ბიუჯეტის პროექტში იქნება გაწერილი", - განუცხადა ბაინდურაშვილმა ცაგარეიშვილს.
აღსანიშნავია, რომ საპარლამენტო ოპოზიციის წარმომადგენელს ეჭვი აქვს, რომ საკანონმდებლო ორგანოს შენობის მშენებლობაზე კოლოსარული თანხები იხარჯება.