"საქართველოს სახელმწიფო ელექტროსისტემის" ინფორმაციით, ოქტომბრის თვეში სსე-მ გადაცემის სისტემაში, გეგმიური სარეაბილიტაციო სამუშაოები ჩატარდა. სსე-ს ინფორმაციით, შესრულდა 284 ინსპექტირება, 111 მიმდინარე შეკეთება, 70 სარეაბილიტაციო-აღდგენითი სამუშაო და 107 დაუგეგმავი სამუშაო.
სსე-ს საკუთარი ძალებით 110 კვ. მხარეზე შეიცვალა 10 კომპლექტი ამომრთველი, 13 კომპლექტი გამთიშველი, 3 ცალი ძაბვის ტრანსფორმატორი, 11 კომპლექტი დენის ტრანსფორმატორი და 6 ცალი მცლელი.
220 კვ მხარეზე - 17 კომპლექტი გამთიშველი და 5 კომპლექტი დენის ტრანსფორმატორი. 500 კვ.-ის მხარეს შეიცვალა 3 ცალი ძაბვის ტრანსფორმატორი და 3 ცალი მცლელი.
კაპიტალურად შეკეთდა 10 კვ.-იანი 1 საკუთარი მოხმარების ტრანსფორმატორი, 1 გამთიშველი და 500 კვ.-იანი 3 ძაბვის ტრანსფორმატორი.
ელექტრო გადამცემ ხაზებზე აღდგა 220კვ. 68 მეტრი კუთხოვანი და 35 კვ. მხარეზე 58 ცალი იზოლატორი.
ამჟამად მიმდინარეობს 35-10 კვ. მხარეზე 13 ამომრთველის, 35 კვ-ზე 8 გამთიშველის და 1 ძაბვის ტრანსფორმატორის სარემონტო სამუშაოები.