თბილისის ეკონომიკის განვითარებისთვის 2011 წლის დედაქალაქის ბიუჯეტიდან 5279,5 ათასი ლარია გამოყოფილი.
ამ თანხებში ბიზნესის დაწყების მხარდაჭერა და არსებული მცირე და საშუალო ბიზნესის განვითარებაა გაწერილი. კერძოდ: იაფი სესხები მცირე და საშუალო ბიზნესისთვის; ბიზნესის დამწყებთა ტრენინგი და ბიზნესკონსულტაციები და სხვა ღონისძიებები. 2011 წლის ქალაქ თბილისის ბიუჯეტის მიხედვით, ამ ღონისძიებების მიზანი იაფი სესხის ხელმისაწვდომობა, დამატებით შექმნილი და შენარჩუნებული სამუშაო ადგილები და მცირე და საშუალო ბიზნესის რაოდენობის ზრდაა.
ბიუჯეტში აღნიშნულია, რომ თბილისი შეხვედრებისა და შესაძლებლობების ქალაქი უნდა გახდეს.
2011 წლეს გაგრძელდება მოქალაქეთა გადამზადების კურსები (ინგლისური, კოპიუტერი, ბიზნესის საწყისები). ამ კურსების მიზანია მოქალაქეთა პროფესიული უნარ-ჩვევების ამაღლება მათი დასაქმების ხელშეწყობისთვის.
თბილისის 2011 წლის ბიუჯეტი საკრებულოს გუშინდელ სხდომაზე დაამტკიცეს.
