უახლოეს ხანებში ფინანსთა სამინისტროს მომსახურების სააგენტო ახალი სერვისის დანერგვას გეგმავს. როგორც სააგენტო "ჯი-ეიჩ-ენთან" საუბრისას ფინანსთა სამინისტროს მომსახურების სააგენტოს ხელმძღვანელმა გრიგოლ ბაიბურთმა განაცხადა, სააგენტო კერძო თუ იურიდიულ პირებს საკუთარი ქონების რეალიზაციაში დაეხმარება.
"სააგენტო მალე შეძებს მესამე პირის როლში გამოვიდეთ და ამა თუ იმ სახელმწიფო თუ კერძო ორგანიზაციას თავისი ქონების განკარგვაში დავეხმაროთ. ჩვენ მათ ასეთ სერვისს შევთავაზებთ. დაინტერესებული პირი, რომელიც ჩვენთან ხელშეკრულებას გააფორმებს, ის ჩვენს საიტზე თავისი გასაყიდი ქონების განთავსებას შეძლებს. ჩვენ მათ შევთავაზებთ, როგორც საჯარო ასევე ელექტრონული აუქციონის სერვისს. ვფიქრობთ, რომ ეს საინტერესო იქნება ბანკებისთვის და სხვადასხვა სახელმწიფო სტრუქტურებისათვის გაყიდონ საკუთარი ქონება"- განაცხადა სააგენტო "ჯი-ეიჩ-ენთან" საუბრისას ფინანსთა სამინისტროს მომსახურების სააგენტოს ხელმძღვანელმა გრიგოლ ბაიბურთმა.
თუ რა დაუჯდება დაინტერესებულ პირს მომსახურების სააგენტოს აღნიშნული სერვისით სარგებლობა ეს ჯერჯერობით დათვლილი არ არის, თუმცა როგორც ბაიბურთი აცხადებს მომსახურეობის საფასური საკმაოდ მისაღები და ხელმისაწვდომი იქნება.
