სათაფლიას ნაკრძალის ახალი დასრულებული ინფრასტრუქტურა დღეს საქართველოს პრეზიდენტმა მიხეილ სააკაშვილმა გახსნა. სათაფლიის ნაკრძალის ადმინისტრაციული შენობისა და ვიზიტორთა სახლების მშენებლობა დაცული ტერიტორიების სააგენტომ მიმდინარე წლის გაზაფხულზე დაიწყო.
გახსნას საქართველოს გარემოს დაცვისა და ბუნებრივი რესურსების მინისტრი გოგა ხაჩიძე და დაცული ტერიტორიების სააგენტოს თავმჯდომარე გიორგი შონვაძე ესწრებოდნენ.
სათაფლიის ნაკრძალის ტურისტული ცენტრის სარეაბილიტაციო სამუშაოებისათვის სახელმწიფო ბიუჯეტიდან 700 ათასი ლარი დაიხარჯა, ხოლო საერთაშორისო ნავთობკომპანია "BP"-იმ 7 მლნ ლარი დახარჯა.
პროექტის ფარგლებში განხორციელდა სათაფლიის სახელმწიფო ნაკრძალის ცენტრალური შესასვლელის, ვიზიტორთა ცენტრის, იურული პერიოდის პარკის, დინოზავრის ნაკვალევის საკოსერვაციო ნაგებობის, მღვიმის შესასვლელ-გამოსასვლელი შლუზების, მღვიმის სავალი ბილიკის, კაფეტერიის, საგამოფენო დარბაზის, გადასახედის მშენებლობა; პროექტის ფარგლებში ასევე დამონტაჟდა მღვიმის თანამედროვე განათებები, აკუსტიკური გაფორმება, ტურისტების მოსაცდელები, მინის გადასახედები მთის ფერდობიდან, კოლხურ ტყეში სასეირნო ბილიკები და საპიკნიკე ადგილები. ნაკრძალში კი ვიზიტორთა გზები ქვაფენილით მოიკირწყლა.