საქართველოს შესაძლებლობა აქვს გლობალურ ქიმიურ ლიდერთა სამიტში (Gლობალ ჩჰემიცალ Lეადერ'ს სუმმიტე 2010) მიიღოს მონაწილეობა.
"საქართველოს დამსაქმებელთა ასოციაციის" ინფორმაციით, გუჯარათის ქიმიური ასოციაცია და ინდოეთის რესპუბლიკაში საქართველოს საელჩო ქართულ კომპანიებს საშუალებას აძლევს, 17-18 დეკემბერს, ინდოეთში, გუჯარათის შტატის ქალაქ აჰმადაბადში, გლობალურ ქიმიურ ლიდერთა სამიტზე მიიღონ მონაწილეობა და ქიმიური პროდუქტების მწარმოებელთა გამოფენას დასწრონ.
სამიტზე განიხილება ისეთი სფეროები, როგორიცაა: ქიმიკატები, აგროქიმიკატები, სპეციფიკური ქიმიკატები, პეტროქიმიკატები, საღებავები, საღებავი მასალები, ეკოლოგიურად სუფთა წარმოება და სხვა.
ღონისძიებაზე განსაკუთრებული ადგილი დაეთმობა ფარმაცევტიკას, რადგან ამ დარგში გუჯარათი ინდოეთის ლიდერია.
აღსანიშავია, რომ გუჯარათის შტატი მოწინავეა ქიმიური მრეწველობის სფეროში. მასზე მოდის სამხრეთ-აღმოსავლეთ აზიის ქიმიური წარმოების 65%. იმავდროულად მასპინძელი მხარე ორგანიზებას გაუკეთებს, გუჯარათის მთავრობასთან და ქიმიური ასოციაციის წევრებთან შეხვედრებს ასევე საწარმოებში ვიზიტს.