პროგრამების გაზრდილი დაფინანსება-2020 წლის აჭარის ახალი ბიუჯეტი დამტკიცდა. აჭარის 2020 წლის რესპუბლიკური ბიუჯეტის ახალი პროექტი დამტკიცდა.
მსოფლიო პანდემიის გამო, შემცირებული შემოსავლების ფონზე, ფინანსისტები აჭარაში ყველა მნიშვნელოვანი ინფრასტრუქტურული პროექტის უცვლელად შენარჩუნებას და სხვადასხვა პრიორიტეტულ სფეროში პროგრამების გაზრდილ დაფინანსებას, მნიშვნელოვან მიღწევად აფასებენ.
„მსოფლიო პანდემიის ფონზე, პირველ ეტაპზე საგანგებო ბიუჯეტის დოკუმენტი მოვამზადეთ, ახალი კორონავირუსის გავრცელების ე.წ პოსტ ვირუსულ ეტაპზე, მთავარი ფინანსური დოკუმენტის განმეორებითი ადაპტირება მოხდა და რეგიონის წინაშე არსებული პრიორიტეტების შესწავლის შედეგად, ახალი საბიუჯეტო პროექტი მომზადდა. ეპიდემიის გავრცელებით გამოწვეული სირთულეების მიუხედავად, შემცირებული შემოსავლების ფონზე,საბიუჯეტო რესურსების მაქსიმალურად ოპტიმალურად ათვისების შედეგად, შემიძლია ცალსახად აღვნიშნო, რომ აჭარაში ბიუჯეტით გათვალისწინებული ყველა მნიშვნელოვანი ინფრასტრუქტურული თუ სხვა ტიპის პროექტი უცვლელად განხორციელდება“-აჭარის ფინანსთა და ეკონომიკის მინისტრი ჯაბა ფუტკარაძე.
2020 წლის რესპუბლიკური ბიუჯეტის ასიგნებები 338 474 600 ლარით განისაზღვრა.
შემოსულობების საპროგნოზო მაჩვენებელი 306 974 600 ლარს შეადგენს.
შექმნილი ეპიდემიოლოგიური სიტუაციის გამო, საბიუჯეტო ორგანიზაციების მიერ 2020 წელს გათვალისწინებული ასიგნებების შემცირების ხარჯზე, სხვადასხვა მნიშვნელოვანი პროგრამის დაფინანსება გაიზარდა:
➡️10 000 000 ლარით იზრდება აჭარის ტურიზმისა და კურორტების დეპარტამენტის დაფინანსება. თანხა Covid19-ის პრევენციისა და საკარანტინე ზონების ორგანიზებისთვის დაიხარჯება.
➡️1 087 700 ლარით იზრდება საავტომობილო გზების დეპარტამენტის პროგრამების დაფინანსება, რაც ახალი ხელოვნური ნაგებობების მოწყობისთვის დაიხარჯება.
➡️ჯანდაცვის სფეროს პროგრამების დაფინანსება ნახევარი მილიონი ლარზე მეტით გაიზარდა.
⏺200 000 ლარით იზრდება მოსახლეობის ინდივიდუალური სამედიცინო დახმარება
⏺257 000 ლარით იზრდება ფსიქიკური აშლილობის მქონე შშმ პირთა საცხოვრისით უზრუნველყოფა
⏺180 800 ლარით იზრდება სოციალური პროგრამები
➡️1 487 400 ლარით იზრდება აჭარის განათლების კულტურისა და სპორტის სამინისტროს პროგრამების დაფინანსება
⏺14 სკოლის რეაბილიტაცია
⏺13 საჯარო სკოლის საპროექტო დოკუმენტაციის შესყიდვა
➡️1 528 000 ლარით იზრდება აჭარის სოფლის მეურნეობის სამინისტროს დაფინანსება
⏺575 000 ლარი მექანიზაციის ტექნიკური საშუალებებით ფერმერთა უზრუნველყოფა
⏺500 ბაღის შესაწამლი აპარატის შეძენა
⏺453 300 ლარი სოფლად მეწარმეობის განვითარების ხელშეწყობა
⏺500 000 ლარი ციტრუსის მოსავლის რეალიზაციის ხელშეწყობა
➡️10 300 000 ლარით იზრდება ქალაქ ბათუმის მუნიციპალიტეტზე გადასაცემი კაპიტალური ფინანსური ტრანსფერი. თანხა სხვადასხვა კაპიტალური პროექტების განხორციელებისთვის დაიხარჯება.