300-ლარიანი კომპენსაციის მისაღებად თვითდასაქმებულთა რეგისტრაციის ვადა დღეს იწურება.
დასაქმების ხელშეწყობის სახელმწიფო სააგენტოს ინფორმაციით, ჯანდაცვის სამინისტროს სარეგისტრაციო პორტალის მეშვეობით სულ კომპენსაციის მიმღები 245 421 თვითდასაქმებული დარეგისტრირდა. მათგან 160 161 მიიღო 300 ლარიანი კომპენსაცია, სულ გადაირიცხა 48 048 300 ლარი.
მიუხედავად რეგისტრაციის შეწყვეტისა, უკვე რეგისტრირებული მოქალაქეებისთვის, ვისაც ჯერ არ აუღია კომპენსაცია, თანხების გადარიცხვის პროცესი გაგრძელდება.