სახელმწიფო ინსპექტორის სამსახური 2019 წლის ყველაზე გამჭვირვალე ორგანიზაციების სიაში 100%-იანი შედეგით მოწინავე ადგილს იკავებს. კვლევის ანგარიში ინფორმაციის თავისუფლების განვითარების ინსტიტუტმა (IDFI) წარადგინა.
კვლევის "საჯარო ინფორმაციის ხელმისაწვდომობა (2019)" ფარგლებში, რომელშიც 284 საჯარო დაწესებულება მონაწილეობდა სახელმწიფო ინსპექტორის სამსახური 2019 წლის ყველაზე ანგარიშვალდებული ორგანიზაციების სამეულშია.
როგორც კვლევის პრეზენტაციაშია ნათქვამი, სამსახურმა 100%- იანი მაჩვენებელი აჩვენა, რაც კვლევის მიხედვით გულისხმობს იმას, რომ ყველა მოთხოვნაზე სამსახურმა სრულყოფილი ინფორმაცია კანონით მინიჭებული 10 დღის ვადის დაცვით გასცა.
აღსანიშნავია, რომ სამსახური გამჭვირვალობისა და ინფორმაციის ხელმისაწვდომობის კუთხით ინფორმაციის თავისუფლების განვითარების ინსტიტუტის კვლევებში დადებით მაჩვენებელს 2014 წლიდან აჩვენებს.
