NDI-ის 2020 წლის საზოგადოებრივი აზრის კვლევის თანახმად, მოსახლეობის 3%-ს მიაჩნია, რომ ახალი კორონავირუსი საერთოდ არ არსებობს.
კითხვაზე, თუ როგორ წარმოიშვა ახალი კორონავირუსი, გამოკითხულთა 30% პასუხობს, რომ COVID-19 ლაბორატორიაში შეიქმნა და გამიზნულად გავრცელდა, ხოლო 22%-ის აზრით ლაბორატორიაში შეიქმნა და შემთხვევით გავრცელდა.
გამოკითხულთა 13%-ის აზრით, ვირუსი ბუნებრივად გაჩნდა, რესპოდენტთა თითქმის ერთ მესამედს, 32%-ს კი არ აქვს პასუხი კითხვაზე, თუ როგორ წარმოიშვა ახალი კორონავირუსი.
კვლევა 26-30 ივნისის პერიოდში საქართველოს მასშტაბით 1,550 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა. საშუალო ცდომილების ზღვარი შეადგენს +/- 2 პროცენტს.
ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. კვლევა წარმოადგენს საქართველოს მთელი მოსახლეობის დამოკიდებულებას, ოკუპირებული ტერიტორიების გარდა. ის CRRC-მ ჩაატარა.
