კომპანია "ვივუსი" ფინანსთა მინსიტრის მიერ დღეს გაკეთებულ განცხადებას ეხმიანება, რომლის მიხედვითაც, კომპანიამ ვალების განულების პროგრამაში მონაწილეობაზე უარი თქვა. კომპანიის განმარტებით, მათ ფინანსთა სამინისტროს ორჯერ გადაუგზავნეს მონაცემები და პირობები მათი პორტფელის შესახებ, რათა სამინისტროს მიეღო სესხების შესაძლო გამოსყიდვასთან დაკავშირებით გადაწყვეტილება, თუმცა კომპანიას არავინ დაკავშირებია.
"დაახლოებით ორი კვირის წინ ჩვენ მივიღეთ ფინანსთა სამინისტროსა და ეროვნული ბანკის თხოვნა, რომ გაგვეკეთებინა შეთავაზება ვადაგასული სესხების პატიება-გამოსყიდვასთან დაკავშირებით. შესაბამისად, ფინანსთა სამინისტროს ჩვენ გავუგზავნეთ მონაცემები და პირობები ჩვენი პორტფელის შესახებ, რათა მათ მიერ მომხდარიყო სესხების შესაძლო გამოსყიდვასთან დაკავშირებით გადაწყვეტილების მიღება.
გასული კვირის დასაწყისში პორტფელის ნაწილზე ჩვენ კიდევ ერთხელ გავუგზავნეთ ფინანსთა სამინისტროს ელექტრონული ფოსტით ჩვენი წინადადება, რომელიც, ჩვენი აზრით სრულად ჯდებოდა სამინისტროს მიერ გაჟღერებულ პირობათა ჩარჩოში. ჩვენთვის უცნობი მიზეზების გამო, აღნიშნული წინადადების მიღების შემდეგ, ფინანსთა სამინისტრო ჩვენთან კონტაქტზე აღარ გამოსულა. ვადასტურებთ, რომ დღესაც მზად ვართ ჩვენს მიერ გაჟღერებული პირობების ფარგლებში ვაწარმოოთ მოლაპარაკება აღნიშნულ თემაზე", - წერია კომპანიის განცხადებაში.
შეგახსენებთ, რომ მთავრობის ინიციატივით, 600 ათასზე მეტ მოქალაქეს ბანკების, ონლაინორგანიზაციების და სხვა საფინანსო ინსტიტუტების მიმართ დავალიანება გაუნულდება, რომელთა შორის 150 ათასი სოციალურ დაუცველი და ათეულობით ათასი შეზღუდული შესაძლებლობის მქონე ჩვენი მოქალაქეა. ვალების განულების პროცესი 15 დეკემბერს დაიწყება და 31 დეკემბერს დასრულდება. 3 დეკემბრიდან მოქალაქეებს შეეძელაბთ ნახონ ეხებათ თუ არა მთავრობის ინიციატივა. აღნიშნულ საკითხზე განმარტება გააკეთა ფინანსთა მინისტრმაც. მისი თქმით, კომპანია „ვივუსი“ ამ ინიციატივაშ არ მონაწილეობს.
