"პატრიოტთა ალიანსის" ლიდერი ირმა ინაშვილი პარლამენტის თავმჯდომარე ირაკლი კობახიძეს მირზა სუბელიანთან სასჯელაღსრულების დაწესებულებაში შესვლის ნებართვას სთხოვს.
მისი თქმით, ბიუროს დღევანდელი სხდომის შემდეგ აპირებს, ირაკლი კობახიძეს ოფიციალურად მიმართოს და მისგან ნებართვა მიიღოს, შეხვდეს მირზა სუბელიანს.
მისივე თქმით, ნებართვის შემთხვევაში მზად არის, სუბელიანს მედიის წარმომადგენლებთან ერთადაც შეხვდეს.
მისივე განცხადებით, მირზა სუბელიანისგან მიღებულ ინფორმაციას საზოგადოებას ობიექტურად მიაწოდებს და სიმართლის დამალვას არ დაუშვებს.
ცნობისთვის, რ2-ის მიერ გავრცელებული ჩანაწერი გლდანის #8 სასჯელაღსრულების დაწესებულებაშია გაკეთებული, რომელშიც სავარაუდოდ, პროკურატურის ყოფილი მაღალჩინოსანი, მირზა სუბელიანი საუბრობს. ჩანაწერის მიხედვით, სუბელიანთან საკანში იმყოფებიან „ქართული ოცნების“ დეპუტატი ვიქტორ ჯაფარიძე და ლტოლვილთა სამინისტროს ყოფილი მაღალჩინოსანი, გენერალური ინსპექციის ყოფილი თანამშრომელი დათო ცუხიშვილი.
მირზა სუბელიანთან ციხეში ვიზი დაადასტურა ვიქტორ ჯაფარიძემ.
