თელავი-ნაფარეულის საავტომობილო გზაზე ავტოსაგზაო შემთხვევა მოხდა.
არსებული ინფორმაციით, „ბმვ“-ს მარკის ავტომობილი სავალი ნაწილიდან გადავიდა და ხეს შეეჯახა.
შემთხვევის შედეგად ცოლ-ქმარი დაშავდა.
საზოგადოებრივი მაუწყებლის ინფორმაციით, უგონო მდგომარეობაში მყოფი 60 წლამდე მამაკაცი სასწრაფო დახმარების ბრიგადამ თელავის რეფერალურ საავადმყოფოში გადაიყვანა, ავტომობილში ჩარჩენილი 55 წლამდე ქალის ამოყვანა მეხანძრე მაშველებმა სპეციალური სამაშველო აღჭურვილობის გამოყენებით მოახერხეს.
ორივე დაშავებული თელავის რეფერალურ საავადმყოფოს რეანიმაციულ განყოფილებაშია მოთავსებული და ექიმების თქმით, მათი ჯანმრთელობის მდგომარეობა სტაბილურად მძიმეა.
შინაგან საქმეთა სამინისტროს ინფორმაციით, ფაქტზე გამოძიება სსკ-ს 276-ე მუხლის პირველი ნაწილით დაიწყო.
