ივანიშვილის ხელისუფლების დემონტაჟი დაიწყება სწორედ საპრეზიდენტო არჩევნებით, - ამის შესახებ გაერთიანებული ოპოზიციის „ძალა ერთობაშია“ ერთ-ერთმა ლიდერმა ზაალ უდუმაშვილმა ფილარმონიაში სიტყვით გამოსვლისას განაცხადა.
მისი განმარტებით, მმართველი გუნდი ოპოზიციის პოლიტიკურ დევნას ახორციელებს და ასევე, ცდილობს პრეზიდენტის ინსტიტუტის დაკნინებას.
"ივანიშვილის ხელისუფლების დემონტაჟი დაიწყება სწორედ საპრეზიდენტო არჩევნებით, ქვეყნის უმნიშვნელოვანესი ინსტიტუტით, რომლის დაკნინებასაც მთელი ამ 6 წლის განმავლობაში ცდილობდა „ქართული ოცნება“. თუმცა, ყველას მინდა შევახსენო, საქართველოს პრეზიდენტი არის სახელწიფოს მეთაური და საქართველოს შეიარაღებული ძალების მთავარსარდალი, რომლის ყველა სიტყვასა და ქმედებას ძალიან დიდი პოლიტიკური წონა აქვს. სწორედ გრიგოლ ვაშაძე იქნება ის პრეზიდენტი, რომელიც ამ ქვეყანაში რეალურად შეცვლის პოლიტიკურ დღის წესრიგს. ხელისუფლებაში ყოფნის 6 წელი „ქართულმა ოცნებამ“ მხოლოდ ოპონენტების პოლიტიკურ დევნასა და საკუთარ კეთილდღეობას დაუთმო. ქვეყანაში გამეფებულია ტოტალური უსამართლობა, საქართველოს მოსახლეობის 70% სიღარიბეში ცხოვრობს. ეს მხოლოდ იმიტომ, რომ ივანიშვილი და მისი კრიმინალური გარემოცვა მთლიანად ჩაფლულია კორუფციაში. ტყუილების, უსამართლობისა და განუკითხაობის 6 წელი 28 ოქტომბერს დასრულდება, როდესაც საქართველოს მოსახლეობა ქვეყნის მეხუთე პრეზიდენტად გრიგოლ ვაშაძეს აირჩევს“, - განაცხადა უდუმაშვილმა.
