შავი ძალის ორივე სახეს ვიწვევ დებატებში – ამის შესახებ განცხადება სალომე ზურაბიშვილმა ბრიფინგზე გააკეთა.
„ვითარდება, არაცივილური, არაევროპული, არაღირსეული კამპანია - სიცრუე, სიყალბე, შავი პიარი, შეურაცხყოფა, ცილისწამება. ეს არის დამახასიათებელი დღევანდელი საარჩევნო კამპანიისაა. სამწუხაროდ, ეს ლახავს ასევე საქართველოს სურათს. ყველაზე მიუღებელი ჩემთვის არის არა ეს ბრალდებები და შეურაცხყოფები, რაც პერსონალურად ჩემ წინააღმდეგ არის წარმოთქმული, არამედ ის, რაც ეხება ჩემ დამოკიდებულებას ამ ქვეყანასთან მიმართებით, რაც წარმოადგენს ერთგვარ წითელ ხაზს. ამ პირობებში, ნებისმიერი ღირსეული ადამიანი არ დათანხმდებოდა და არ მიიღებდა მონაწილეობას დებატებში იმ შავი ძალის წარმომადგენლებთან, რომლებიც ამ ყველაფერზე მიდიან და არაფერზე ჩერდებიან.
მაგრამ ამ ყველაფერზე ბევრი ვიფიქრე და გამომდინარე იქიდან, რომ საზოგადოებას მე პატივს ვცემ, საზოგადოებას ვცემ პატივს და ამომრჩევლებს, ასევე პატივს ვცემ საარჩევნო ვითარებას, ჩავთვალე, რომ უნდა გადავლახო ყველაზე ძლიერი განცდა, რაც მე დღეს გამაჩნია და რაც მე მაკავშირებს ამ ქვეყანასთან და გადავწყვიტე, ავიღო ინიციატივა და ვთქვა, რომ მე ამ შავი ძალის ორივე სახეს ვიწვევ ამ დებატებში და მივიღებ მონაწილეობას, ნეიტრალურ სივრცეში, რათა მე დავაფიქსირო ჩემი სიმართლე, ჩემი პოზიციები და ყველასთვის ნათელი მოვფინო იმას, რაც ხდება დღეს ქვეყანაში“, – განაცხადა სალომე ზურაბიშვილმა.
პრეზიდენტობის კანდიდატს, სალომე ზურაბიშვილს, არ დაუკონკრეტებია, ვის გულისხმობდა „შავი ძალის ორ სახეში“.
