ქვეყანაში პოლიფარმაციის შემცირებისა და რაციონალური ფარმაკოთერაპიის დანერგვის ხელშეწყობის მიზნით, სამედიცინო ასოციაციების გაერთიანების ორგანიზებით, ბორჯომში ტრეინინგ-სემინარი გაიმართა. სამედიცინო ასოციაციების გაერთიანების ინფორმაციით, ტრეინინგს საქართველოს ყველა რეგიონიდან 20-ზე მეტი ოჯახის ექიმი სხვადასხვა დარგობრივი ასოციაციების წარმომადგენლებთან ერთად დაესწრო.
შეხვედრაზე ჯანდაცვის სამინისტროს მიერ შემუშავებული კლინიკური კრიტერიუმები განიხილეს, რის მიხედვითაც უნდა მოხდეს პოლიფარმაციის შემთხვევების შეფასება.
ბორჯომში ორგანიზებულ სემინარს ოკუპირებული ტერიტორიებიდან დენილთა, შრომის , ჯანმრთელობისა და სოციალური დაცვის მინისტრის პირველი მოადგილე ზაზა ბოხუაც ესწრებოდა. ზაზა ბოხუამ ყურადღება გაამახვილა ქვეყანაში სამედიცინო დახმარების ხარისხის ამაღლების მნიშვნელობაზე და ამ პროცესში დარგობრივი სამედიცინო ასოციაციების როლზე.
