აჭარაში, მდინარე ჭოროხში 51 წლის მამაკაცის სამძებრო სამუშაოებს სამაშველო სამსახურის თანამშრომლები უკვე მეორე დღეა ახორციელებენ.
არსებული ინფორმაციით, მამაკაცი, თანხმლებ პირებთან ერთად გუშინ პიკნიკზე იმყოფებოდა, მდინარეში შევიდა და გაუჩინარდა.
საგანგებო სიტუაციების მართვის სამსახურის ინფორმაციით, მაშველთა 15-კაციანი ჯგუფი მის სამძებრო სამუშაოებს მდინარე ჭოროხსა და შავ ზღვაში აწარმოებს. ადგილზე მუშაობენ მყვინთავებიც.
