თბილისის იზოტოპების ინსტიტუტში დაურეგისტრირებელი რადიოაქტიური ნივთიერება _ პლუტონიუმი აღმოაჩინეს. ამ რადიოაქტიური ნივთიერებას ტერორისტები იყენებენ ხშირად ე.წ. "ჭუჭყიანი ბომბების" დასამზადებლად.
გავრცელებულიინფორმაციით, საშიში მასალის შესახებ, რომელიც საცავში ინახებოდა 42 წლის განმავლობაში არავინ არაფერი იცოდა.
პლუტონიუმი იზოტოპების ინსტიტუტში სპეციალურ კაფსულაში იყო მოთავსებული და საგანგებოდ შეფუთული, რის გამოც გამოსხივების დონე მინიმალური იყო.
ბირთვულ მასალას გასანადგურებლად სპეციალურ ბაზაზე დღესვე გადაიტანენ.
შემთხვევის ადგილზე უკვე იმუშავეს სპეციალისტებმა. გარემოს დაცვის სამინისტროს წარმომადგენლებმა კი რომლებმაც ტერიტორია შეისწავლეს დაასკვნეს, რომ კონტეინერი რომელშიც რადიოაქტიური ნივთიერებები აღმოჩნდა სიცოცხლისათვის საშიში არ არის, რადგანაც იგი გამოსხივების მაღალი მაჩვენებლით არ გამოირჩევა.
არსებული ინფორმაციით, 42 წლის განმავლობაში ეს ნივთიერება საქართველოში დარეგისტრირებული არ იყო და შესაბამისად იზოტოპების ინსტიტუტში არალეგალურად ინახებოდა.
ნივთიერებას თანამშრომლებმა შემთხვევით მიაგნეს.
დღეისათვის იზოტოპების ინსტიტუტი გაუქმებულია და იქ სპეციალური ცენტრი უნდა გაიხსნას. სწორედ ამ ცენტრის შექმნისა და ინვენტარიზაციის პროცესში აღმოჩენილი იქნა კონტეინერი რომელშიც ბირთვული მასალა აღმოჩნდა.
