საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროში ისანი-სამგორის მაჟორიტარ დეპუტატებთან და გამგებელთან მორიგი სამუშაო შეხვედრა გაიმართა. მინისტრმა კობა სუბელიანმა მაჟორიტარებსა და გამგებელს აღნიშნულ რაიონში განსახლებულ დევნილებთან დაკავშირებით გაწეული საქმიანობის შესახებ ანგარიში ჩააბარა. ასევე, ისაუბრეს მაჟორიტარების სამოქმედო ტერიტორიის მიხედვით სად რა გაკეთდა დევნილებისთვის, რომელი ობიექტები დაკანონდა, სად მოხდა რეაბილიტაცია, გადახურვა და რა საკითხები რჩება მოსაგვარებელი.
„მაჟორიტარ დეპუტატებსა და გამგებელს ჩავბარეთ ანგარიში მათ სამოქმედო ტერიტორიებზე დევნილებტან დაკავშირებით რა გავაკეთეთ, დაკანონების პროცესი სად და როგორ მიმდინარეობს, სახურავი სად შეიცვალა. ვისაუბრეთ ჩვენი იმ საქმიანობის შესახებ, რაც ყოველდღიურად არ ჩანს და შეუძლებელია გამოვაჩინოთ. ეს ყველაფერი მათ ამომრჩევლებს უნდა გააცნონ. ასევე ვისაუბრეთ იმ პრობლემებზე, რომელიც არსებობს. მაგალიტად, კანალიზაცია, სახურავი, გამრიცხველიანება. წინასაარჩევნოდ არაერთი პრობლემა გამოიკვეთა, რომლის მოგვარება საკუთარ თავზე ავიღეთ და აუცილებლად მოვაგვარებთ. ზოგი ადვილად მოგვარებადია, ზოგი კი შედარებით რთულად", - განაცხადა სუბელიანმა.
ისანი-სამგორის რაიონის გამგებელმა თემურ გრიგალაშვილმა კი აღნიშნა, რომ უწყებებს შორის თანამშრომლობა მნიშვნელოვანია:
„ძალიან მნიშვნელოვანია უწებებს შორის თანამშრომლობა ისეთ საკითხებზე, რომელიც ოკუპირებულ ტერიტორიებიდან დევნილი მოსახლეობის მდგომარეობას, მათ ყოფა-ცხოვრებას ეხება. მინისტრთან ერთად საკმაოდ მნიშვნელოვანი საკითხები გავიარეთ და დარწმუნებული ვარ, უახლოეს პერიოდში, ერთობლივად სასიკეთო ნაბიჯები გადაიდგმება, დევნილი მოსახლეობის საყოფახოვრებო პირობებს გააუმჯობესებს", - განაცხადა გრიგალაშვილმა.