თურქეთი მიანმარში მუსლიმ როჰინჯების დასახმარებლად 10 ათას ტონა ჰუმანიტარულ დახმარებას გაგზავნის. ამის შესახებ ქვეყნის პრეზიდენტმა რეჯეფ თაიფ ერდოღანმა განაცხადა. ჯერჯერობით უცნობია, მისცემს თუ არა მიანმარის ხელისუფლება თურქეთს რაკჰაინის რაიონში ჰუმანიტარული ტვირთის შეტანის უფლებას. სამთავრობო ძალებსა და მუსლიმ როჰინჯებს შორის შეტაკებებს რაკჰაინში 400-მდე ადამიანი ემსხვერპლა. 146 ათასამდე მუსლიმი კი ბანგლადეშში გაიქცა.
