ლონდონის ხანძრის შედეგად დაზარალებული ოჯახები სოლიდურ კომპენსაციებს მიიღებენ. მათ დასახმარებლად საგანგებო ფონდიდან 5 მილიონი გირვანქა სტერლინგი გამოიყო. დაზარალებულებზე უკვე გაიცა 200 ათას გირვანქა სტერლინგი. თანხა 180-მა ოჯახმა მიიღო. მაღალსართულიანი საცხოვრებელი კორპუსი ლონდონში გასულ კვირას დაიწვა, რასაც ბოლო მონაცემებით, 79 ადამიანი ემსხვერპლა. 17 დაშავებული ამ დრომდე საავადმყოფოში რჩება.
