ავსტრალია სირიაში საჰაერო ოპერაციებს წყვეტს. ამის შესახებ ქვეყნის თავდაცვის სამინისტრო იტყობინება. ადგილობრივი მედიის ინფორმაციით, ავსტრალიის ხელისუფლების გადაწყვეტილება 2 დღის წინ მომხდარ ინციდენტს უკავშირდება. კოალიციის ძალებმა რაქას სიახლოვეს სირიული თვითმფრინავი ჩამოაგდეს, რასაც რუსეთის მხრიდან მწვავე რეაქცია მოჰყვა. მოსკოვმა განაცხადა, რომ სირიის საჰაერო სივრცეში მოქმედების შესახებ შეერთებულ შტატებთან დადებულ მემორანდუმს ტოვებს.
