რიო დე ჟანეიროს აეროპორტში პოლიციამ 60 ერთეული ავტომატური ცეცხლსასროლი იარაღი ამოიღო, მათ შორის, 45 კალაშნიკოვი. იარაღი, რომელიც აუზების გამათბობელი სისტემების ყუთებში იყო დამალული, ბრაზილიაში მაიამიდან შეიტანეს. გამოძიების ფარგლებში დაკავებულია 4 კონტრაბანდისტი. გამოძიების ვერსიით, იარაღი შავ ბაზარზე გასაყიდად იყო განკუთვნილი. მისი ღირებულება, სულ მცირე, 500 ათასი დოლარია.
