ირანის ყოფილი პრეზიდენტი მაჰმუდ ახმადინეჯადი მომავალ არჩევნებში მონაწილეობას ვერ მიიღებს. კონსტიტუციის მცველთა საბჭომ ის საპრეზიდენტო კანდიდატად არ დაარეგისტრირა. არჩევნებში მონაწილეობის უფლება სულ 6 კანდიდატს მიეცა. მათ შორის არიან მოქმედი პრეზიდენტი ჰასან როუჰანი და კონსერვატორთა ლიდერი ებრაჰიმ რაისიც. კანდიდატთა საბოლოო სია 27 აპრილს გამოქვეყნდება, საპრეზიდენტო არჩევნები კი ირანში 19 მაისს გაიმართება.
