ცხინვალი დეფაქტო პრეზიდენტს ირჩევს. საარჩევნო უბნები არაღიარებული რესპუბლიკის ტერიტორიაზე დილის 8 საათზე გაიხსნა. ცენტრალური საარჩევნო კომისიის მონაცემებით, შუადღის 12 საათისთვის არჩევნებში მონაწილეობა ამომრჩეველთა 33 პროცენტს ჰქონდა მიღებული. ყველაზე მაღალი აქტივობა ლენინგორსა და ცხინვალში დაფიქსირდა. დეფაქტო არჩევნებში მონაწილეობას მოქმედი ლიდერი ლეონიდ თიბილოვი, პარლამენტის სპიკერი ანატოლი ბიბილოვი და უსაფრთხოების სამსახურის თანამშრომელი ალან გაგლოევი იღებს. საპრეზიდენტო არჩევნებთან ერთად დეფაქტო რესპუბლიკის ტერიტორიაზე ე.წ. რეფერენდუმიც ტარდება სამხრეთ ოსეთისთვის ალანიის რესპუბლიკის დარქმევის ინიციატივით. სულ არჩევნებზე 32 ათას 736 ამომრჩეველია დარეგისტრირებული. დეფაქტო არჩევნებს, რუსეთის, დონეცკის, ლუგანსკის, აფხაზეთის, დნესტრისპირეთისა და მთიანი ყარაბაღის არაღიარებული რესპუბლიკებიდან ათობით დამკვირველები ადევნებს თვალს.
