საქართველოს თავდაცვის მინისტრის ლევან იზორიას განცხადებით, თავდაცვის განვითარების სტრატეგიის მთავარი ამოცანაა, ქვეყანამ შეძლოს საფრთხეების შეყოვნება და თავდასხმის შემთხვევაში მაქსიმალური ზიანი მიაყენოს მტერს, - ამის შესახებ თავდაცვის მინისტრმა ლევან იზორიამ უშიშროების საბჭოს სხდომის დასრულების შემდეგ ჟურნალისტებს განუცხადა.
„შეხვედრა ეხებოდა თავდაცვის განვითარების სტრატეგიას, მთავარი აქცენტია ის, რომ ჩვენ ვხელმძღვანელობთ ვარშავის სამიტზე მიღებული საფრთხეების შეკავების სტრატეგიით. ასევე, აშშ-სთან გაფორმებული მემორანდუმით, კერძოდ, საქართველოს მზადყოფნის პროგრამით. ორივე ამ დოკუმენტის მთავარი ამოცანა გახლავთ ის, რომ მოხდეს მაქსიმალურად შეიარაღებული ძალების ისეთი მოდერნიზება, რომ იყოს საფრთხეების შეკავებაზე ორიენტირებული, ჰქონდეს უნარი თავად გავუმკლავდეთ საფრთხეების შემთხვევაში მტერს, რომ დავიცვათ თავი, შევძლოთ საფრთხეების შეყოვნება და თავდასხმის შემთხვევაში მაქსიმალური ზიანი მივაყენოთ მტერს. სტრატეგია არის თავდაცვაზე, საფრთხეების შეკავებაზე ორიენტირებული, რათა პოტენციურ მტერს არ ჰქონდეს არავითარი სურვილი ასეთი შესაძლებლობების მქონე შეიარაღებულ ძალებზე, თავდასხმის განხორციელების“, - განაცხადა ლევან იზორიამ.
