22 სექტემბერს წელს უკვე მშვიდედ ქარის მოტანილი წერილების დღე აღინიშნება. ამ დღეს საფუძველი 2010 წელს ჩაეყარა და ყოველწლიურად სულ უფრო მეტი ადამიანი უერთდება.
პირველივე წლებიდან ამ ღონისძიებას საერთაშორისო ხასიათი აქვს, მასში მონაწილეობენ როგორც საზღვარგარეთ მყოფი ქართველები, ასევე უცხოელებიც. 22 სექტემბრის აღნიშვნას უერთდებიან სკოლები, უმაღლესი სასწავლებლები და სხვადასხვა ორგანიზაციები.
დღის მთავარი მიზანი პოზიტივის გავრცელებაა. მისი სლოგანია: „ბუნებაში უკვალოდ არაფერი იკარგება, მითუმეტეს სითბო, რომელსაც გავცემთ“ და „ჭეშმარიტება ოცნებაშია“.
ქარის მოტანილი წერილების დღეს ყველა მსურველი ნებისმიერ ენაზე წერს ხელნაწერ, ნებისმიერი შინაარსის, ზომისა და რაოდენობის წერილს/ებს და ტოვებს სადაც თავად სურს (ქუჩაში, ტრანსპორტში, შენობაში...) იმ მიზნით, რომ ვინმემ იპოვოს. წერილებს არ აწერია ავტორი და ადრესატი და მპოვნელის საკუთრება ხდება.
თითოეულ ადამიანს საკუთარი მიზეზი აქვს 22 სექტემბრის აღნიშვნაში ჩასართავად: ზოგს დადებითი ემოციის გაცემა სურს, ზოგს - გულის გადაშლა, ზოგს ხელნაწერი წერილების რომანტიკა იზიდავს და ზოგს სჯერა, რომ ბედისწერა იმ ერთადერთს აპოვნინებს.
წლევანდელი ქარის მოტანილი წერილების დღის ერთ-ერთი მიმართულება იქნება „წერილებმა იციან მოგზაურობა“ და გაცილებით მეტი წერილი დაიწერება ტურისტებისთვის.
