20 აგვისტოს, 12 საათზე, ქალაქ სამტრედიაში (რუსთაველის ქ. 20), ,,საქართველოს რკინიგზელთა ახალი პროფესიული კავშირი“ გამაფრთხილებელ აქციას გამართავს. აქციაში მონაწილეობას საქართველოს დასავლეთ რეგიონში დასაქმებული რკინიგზელები მიიღებენ.

სს ,,საქართველოს რკინიგზა“-ს და ,,საქართველოს რკინიგზელთა ახალ პროფესიულ კავშირს“ შორის კოლექტიური შრომითი დავა მიმდინარე წლის 30 მარტიდან დაიწყო. მოლაპარაკებების პროცესში, რომელიც საკმაოდ რთულად მიმდინარეობს, შრომის, ჯანმრთელობისა და სოციალური დაცვის მინისტრის სპეციალური წარმომადგენელია (მედიატორი) ჩართული.

შრომის კოდექსით გათვალისწინებული, შემათანხმებელი პროცედურებისთვის საჭირო 21 დღიანი ვადა უკვე ამოიწურა და 13 000 რკინიგზელს კანონიერი გაფიცვის უფლება აქვს მოპოვებული.

ქვეყნისა და კომპანიის ეკონომიკური მდგომარეობის, წინასაარჩევნო პერიოდისა და სხვა მნიშვნელოვანი ობიექტური გარემოებების გათვალისწინებით, ,,საქართველოს რკინიგზელთა ახალი პროფესიული კავშირი“ ამ დრომდე თავს იკავებს კანონის ძალით მოპოვებული გაფიცვის უფლების გამოყენებისგან და მიმართავს საქართველოს პრემიერ მინისტრს, ქვეყნის მთავრობას და საპარტნიორო ფონდს, ეფექტურად ჩაერთონ 13 000 რკინიგზელის სასიცოცხლოდ მნიშვნელოვანი საკითხერბის მოლაპარაკებების გზით გადაჭრის პროცედურებში!

"რკინიგზელები ადმინისტრაციას 2014 წლის გაფიცვის შემდგომი შეთანხმებით აღებული ვალდებულებებების შეუსრულებაში ადანაშაულებენ, გარდა ამისა აღნიშნული გაფიცვის შემდეგ, რკინიგზის მაღალჩინოსნების მხრიდან სისტემატიურად ხორციელდება პროფკავშირული კუთვნილებისა და სხვა გარემოებების გამო რკინიგზელების დევნა, დაშინება, ზეწოლა,არაპროფესიონალი კადრების შემოდინება და პროფეიონალი რკინიგზელების სამსახურებიდან დათხოვნა,ახლობელ მეგობრების,არაკომპეტენტური ადამიანების სამსახურებში მოწყობა, მოქმედებს სუბიექტური,დისკრიმინაციულ საპრემიო სისტემა,ადგილი აქვს დასაქმებულების კონსტიტუციური უფლებების დარღვევას და ორგანიზაციაში არაჯანსაღი ,მანკიერი მმართველობის სისტემის დანერგვასა და სხვა უამრავ კანონდარღვევას

გამომდინარე აქედან რკიონიგზელთა ახალი პროფკავშირი გამაფრთხილებელ აქციებს იქწყებს მთელი ქვეყნის მაშტაბით. პირველი აქცია 11 აგვისტოს ბათუმში, ადგილობრივმა დასაქმებულებმა გამართეს. შაბათს 20 აგვისტოს, 12 საათზე, ქალაქ სამტრედიაში დასავლეთ რეგიონში დასაქმებული რკინიგზელები  გამართავენ საპროტესტო აქციას", აღნიშნულია საქართველოს პროფესიული კავშირების გაერთიანების მიერ გავრცელებულ განცხადებაში.