საკონსტიტუციო სასამართლოში გიგი უგულავასა და ე.წ. კაბელების საქმის განხილვის გადადებასთან დაკავშირებით შუამდგომლობა არ დაკმაყოფილდა.
შესაბამისი შუამდგომლობა მოსამართლე ლალი ფაფიაშვილმა დააყენა. მან აღნიშნა, რომ გიორგი პაპუაშვილის განცხადებაზე, რომლის თანახმადაც საკონსტიტუციო სასამართლოს მოსამართლეებზე ზეწოლა ხორციელდება, სახელმწიფოს მხრიდან ჯერ რეაგირება უნდა განხორციელდეს. ფაფიაშვილის თქმით, წინააღმდეგ შემთხვევაში, "მუდმივად იქნებოდა ეჭვები არაობიექტურ გადაწყვეტილებებთან დაკავშირებით". მას მოსამართლეები ოთარ სიჭინავა, ზაზა თავაძე და მერაბ ტურავაც დაეთანხმნენ.
ამ შუამდგომლობის გამო პროტესტი გამოთქვეს გიგი უგულავასა და ე.წ. კაბელების საქმის ადვოკატებმა. მათი თქმით, შუამდგომლობის დაყენება ზეწოლის პირდაპირი დადასტურებაა.
ამ წუთებში სასამართლოში განხილვა გრძელდება.
