სამშენებლო კომპანია ”ცენტრ პოინტის” ერთ-ერთმა დამფუძნებელმა მაია რჩეულიშვილმა პროკურატურაში დაკითხვაზე შესვლამდე განაცხადა, რომ მის დაკავებას არ გამორიცხავს.
„არ გამოვრიცხავ, რომ დამაკავონ, მოტივი არის პოლიტიკური. შევხვდებით 8 ოქტომბერს“, - განაცხადა მაია, რჩეულიშვილმა, რომელსაც პროკურატურასთან „ცენტრ პოინტის“ მიერ დაზარალებული მოქალაქეები ტრანსპარანტებით დახვდნენ.
ვახტანგ რჩეულიშვილმა აქციის მონაწილეებს პროვოკატორები და თაღლითები უწოდა, რასაც სიტყვიერი დაპირისპირება მოყვა. ვახტანგ რჩეულიშვილმა დაზარალებულებს განუმარტა, რომ მათ მისი 50 მილიონი მართებთ. ხოლო თავად არავისი ვალი არ აქვს. მისივე თქმით, სახელმწიფო არ აძლევს საშუალებას მშენებლობები დაასრულოს და ყველა ადამინი გაისტუმროს, ვახტანგ რჩეულიშვილი მიიჩნევს, რომ ფინანსთა სამინისტროს მისთვის 20 მილიონი აქვს დასაბრუნებელი.
