ფარული მიყურადების საქმეზე ბრალდებული ზურაბ ჯამალაშვილის ადვოკატები პროკურატურას ბრალდებულზე ზეწოლაში ადანაშაულებენ. განცხადებები დაცვის მხარემ, თბილისის საქალაქო სასამართლოში გააკეთა, სადაც ამ წუთებში სასამართლო პროცესი მიმდინარეობს.
ეს არის წინა სასამართლო სხდომა, სადაც უნდა გადაწყდეს გადაეცემა თუ არა აღნიშნული საქმე სასამართლოს არსებითად განსახილველად და ასევე რა მტკიცებულებები დაერთვება მას.
ადვოკატთა განცხადებით, ბრალდებულ ჯამალაშვილზე პროკურატურის წარმომადგენლების მხრიდან ხორციელდება ფსიქოლოგიური ზეწოლა, რათა მიიღონ მისგან თანხმობა საპროცესო შეთანხმებაზე. დაცვის მხარე ირწმუნება, რომ ბრალდების წარმომადგენლები ჯამალაშვლთან საპატიმროში ღამის საათებში შედიან და მოითხოვენ მისგან გარკვეულ დოკუმენტებზე ხელმოწერას და ადვოკატის აცილებას.
მათივე თქმით, ბრალდებას საქმის შეწყვეტა სურს, რადგან არ არსებობს არც ერთი მტკიცებულება, რომელიც მათი დაცვის ქვეშ მყოფის ბრალეულობას დაადასტურებს.
„შედიან პირდაპირ, ყოველგვარი ადვოკატის გარეშე, ისე, რომ არც მაფრთხილებენ. მოჰკიდეს ხელი და უარი ათქმევინეს ჩემზე. ის მოატყუეს, უთხრეს რომ ყველა აძლევს ჩვენებას, შესაბამისად, იყო ფსიქოლოგიური წნეხი, ზეწოლა,“- განაცხადა ადვოკატმა გიორგი ფოფხაძემ.
ზურაბ ჯამალაშვილს და კიდევ რამდენიმე პირს, ფარული მიყურადების საქმეზე აღკვეთის ღონისძიების სახით პატიმრობა აქვთ შეფარდებული.
