შვილისა და მეუღლის მკვლელობაში ბრალდებული მაგდა პაპიძე ჩვენებას დახურულ სხდომაზე მისცემს. ბრალდებულის დაკითხვის ნაწილში სასამართლო სხდომის დახურვა პროკურატურამ მოითხოვა.
“ბრალდებულს ვთავაზობთ, თუ სურვილი აქვს დახურულ სხდომაზე მისცეს ჩვენება. აუცილებლად დავსვავთ დახურულ სხდომაზე გამოკვლეულ მტკიცებულებებზე კითხვით. ეს იქნება პერსონალური ინფორმაცია, მათ შორის მის ჯანმრთელობასთან დაკავშირებული, ორსულობის შეწყვეტაზე, სექსუალური საკითხები და პირადი მიმოწერა. დაისმება კითხვები, როგორც პაპიძეზე ასევე მეორე მხარეზე და შესაძლოა მათი პირადი ინტერესები დაზარალდეს", - განაცხადა პროკურორმა დავით ნეფარიძემ.
კონსულტაციის შემდეგ, დახურულ პროცესზე ჩვენების მიცემას დაეთანხმა მაგდა პაპიძის ადვოკატიც.
პროკურორმა დახურულ სხდომაზე მხოლოდ დაზარალებულის უფლებამონაცვლის დარეჯან მინდიკაურის დასწრება მოითხოვა.
