ვანო მერაბიშვილის საქმე პირველია, რომელზეც ევროსასამართლომ კონვენციის მე-18 მუხლის დარღვევა დაადგინა. თუმცა, იგივე სარჩელი სტრასბურგში შეტანილი აქვთ გიგი უგულავას და ბაჩო ახალიას.
ამ თემაზე გადაცემა არჩევანში იუსტიციის მინისტრის ყოფილი მოადგილე, თინა ბურჯალიანი, საუბრობს.
„ფონი ერთი და იგივეა - პოლიტიკური ოპონენტების დევნის კონტექსტში მომხდარი დარღვევები. გამოსავალი კი ერთია, რომ პოლიტპატიმრები უნდა გათავისუფლდნენ, შეწყდეს დევნა პოლიტიკური მოტივით და ასეთ შემთხვევაში თავიდან ავიცილებთ მომავალში ასეთ გადაწყვეტილებებს,“ - აცხადებს თინა ბურჯალიანი.
