მაგდა პაპიძის პროცესი ხვალ, ომარ ქაფიაშვილის დედის დაკითხვით გაგრძელდება, რაგან დარეჯან მინდიკაურის დაკითხვა სამუშაო საათების ამოწურვის გამო შეწყდა. დღეს მოწმემ მკვლელობის ღამის დეტალები გაიხსენა და განაცხადა, რომ სარდაფში შესაკეთებელი არაფერი ჰქონდათ, რასაც ურო დასჭირდებოდა.
მინდიკაურმა ასევე აღნიშნა, რომ კორიდორი მოწმენდილი და სისხლიანი იყო მიცვალებულები კი სახლის ტანსაცმელში. მისივე თქმით, ომარ ქაფიაშვილს ფეხსაცმელები არ ეცვა.
დღეს სასამართლო პროცესზე, დახურულ რეჟიმში დაიკითხა ოთარ ბერძენიშვილი. ბრალდებულის ადვოკატი მარიკა ფხალაძე ამბობს, რომ მისმა ჩვენებამ პროკურატურის არგუმენტები ვერ გაამყარა.
რაც შეეხება ბრალდების მხარეს, პროკურორმა აღნიშნა. რომ ბერძენიშვილმა პაპიძესთან ინტიმური ურთიერთობა დაადასტურა.
როგორც ცნობილია, ბრალდების მხარე მიიჩნევს, რომ მაგდა პაპიძემ მეუღლე და მცირეწლოვანი შვილი ოთარ ბერძენიშვილთან ურთიერთობის გაგრძელების მიზნით მოკლა.
