მაგდა პპიძის საქმეზე პროკურორმა ელენე ჩხეიძემ ნაფიცი მსაჯულების წინაშე შესავალი სიტყვით გამოსვლისას განაცხადა, რომ ბრალდებულმა მცირეწლოვანი შვილისა და მეუღლის მკვლელობა ოთარ ბერძენიშვილთან ურთიერთობის შესანარჩუნებლად განიზრახა.
მისი ინფორმაციით, მაგდა პაპიძემ ოთარ ბერძენიშვილი ბენზინგასამართ სადგურზე მუშაობის დროს გაიცნო და მასთან არაერთხელ ჰქონდა სქესობრივი კავშირი, თუმცა ბერძენიშვილს არ უნდოდა ურთიერთობა ჰქონოდა გათხოვილ ქალთან.
ბრალმდებელმა აღნიშნა, რომ მაგდა პაპიძე შეეცადა ბერძენიშვილისგან დაორსულებაც, რაც არ გამოუვიდა, ამის შემდეგ კი გადაწყვიტა მეუღლის და მცირეწლოვანი შვილის მოკვლა.
პროკურორმა წარადგინა მაგდა პაპიძის დღიურიც, სადაც იმ ნივთების ჩამონათვალია გაკეთებული, რომელიც მას უნდა შეეძინა.
,,აღნიშნული ჩანაწერებით მტკიცდება, რომ მაგდა პაპიაძეს მეუღლისა და შვილის მკვლელობა წინასწარ ჰქონდა დაგეგმილი», - განაცხადა პროკურორმა.
