ადამიანის უფლებათა დაცვის კომიტეტის თავმჯდომარემ 5 ახალი კანპნპროექტი სპეციალურ ბრიფინგზე წარადგინა.
მისი განმარტებით, სისხლის სამართლის კოდექსში შესატანი ცვლილებების თანამხად, ადვოკატები მიიღებენ სისხლის სამართლებრივი დაცვის ისეთ გარანტიებს, როგორც პროკურორი და გამომძიებელი. ამ მიზნით, სისხლის სამართლის კოდექსის 364 და 365 მუხლებში შედის შესაბამისი ცვლილებები, რომელთა თანახმადაც, სისხლის სამართლებრივად დასჯადი გახდება დაცვის განხორციელებასთან დაკავშირებით ადვოკატის საქმიანობაში ამა თუ იმ ფორმით უკანონო ჩარევა თუ მუქარა.
ასევე კოდექსში ჩნდება ახალი ნორმა, რომლის მიხედვითაც 2012 წლის 5 დეკემბრის დადგენილებით, პოლიტიკური ნინშნით დაკავებულ და დევნილ პირებს შესაძლებლობა ექნებათ სასამართლოს მიმართონ შუამდგომლობით გამოტანილი განაჩენის გადასინჯვის შესახებ.
ასევე ცვლილება შედის პარლამენტის რეგლამენტში, რომლის მიხედვით, სახალხო დამცველის ანგარიშის განხილვა ადამიანის უფლებათა კომიტეტის მიერ ნორმად გაიწერება.
პარლამენტის რეგლამენტში შესატანი ცვლილებების თანახმად, პარლამენტს შესაძლებლობა ექნება ზედამხედველობა გაუწიოს ევროპის სასამართლოს მიერ მიღებული გადაწყვეტილებების აღსრულებას. ასევე შემუშავებული იქნება მარეგულირებელი ნორმები, რომელიც გაეროს საზედამხედველო ორგანოების საქართველოს მიმართ გაცემული რეკომენდაციების შესრულებას შეეხება.
