შსს-ს კვლევისა და განვითარების დეპარტამენტმა რებრენდინგის შედეგებზე პრეზენტაცია გამართა, - ამის შესახებ ”ინტერპრესნიუსს” შინაგან საქმეთა სამინისტროდან აცნობეს.
მათივე განცხადებით, შინაგან საქმეთა სამინისტროში, რეფორმებისა და განვითარების სააგენტოს რებრენდინგის საფუძველზე, კვლევისა და განვითარების დეპარტამენტი შეიქმნა.
ახალი დეპარტამენტის ორგანიზებით, თბილისში, სასტუმრო „ამბასადორში“, რებრენდინგის შედეგებზე პრეზენტაცია გაიმართა, რომელსაც შინაგან საქმეთა მინისტრის მოადგილე შალვა ხუციშვილი დაესწრო.
სამინისტროს ინფორმაციით, პრეზენტაციაზე კვლევისა და განვითარების დეპარტამენტის განახლებული ფუნქციები, მიმდინარე და სამომავლო პროექტები იყო წარმოდგენილი.
შსს-ს ცნობით, შეხვედრაში შსს-ს სტრუქტურული ქვედანაყოფების, ტერიტორიული ორგანოების, სამინისტროს მმართველობის სფეროში შემავალი სახელმწიფო საქვეუწყებო დაწესებულებისა და სსიპ-ების წარმომადგენლები მონაწილეობდნენ, რომლებიც შსს-ს სისტემის განვითარების საკითხებზე კოორდინირებული მუშაობის პროცესში არიან ჩართულნი.
