ჟურნალისტი შალვა რამიშვილი თბილისის მთავარ პროკურატურაში, ადვოკატ ზვიად ასათიანთან ერთად მივიდა. უწყებაში მისი გამოკითხვა
პროკურატურაში შესვლამდე მან ჟურნალისტებთან განაცხადა, რომ ,,იმედის” დირექტორმა გიორგი ბახტაძემ სავარაუდოს, ორი სისხლის სამართლის დანაშაული ჩაიდინა.
„როგორც იქნა პროკურატურამ დაიწყო ჩემი განცხადების განხილვა. მე ვამბობ, რომ ტელეკომპანია იმედის ე.წ. დირექტორმა გიორგი ბახტაძემ ორი სისხლის სამართლის დანაშაული ჩაიდინა სავარაუდოდ. ეს არის ჟურნალისტზე ზეწოლა და ამაზე უკვე ქარტიამ კომპეტენტური აზრი თქვა და მეორე, ფარული ჩანაწერების მეშვეობით ჩემი შანტაჟი. ბახტაძემ ფარული ჩანაწერები გამოიყენა და პრაქტიკულად გამაგდო ტელევიზიიდან. მე და ძალიან ბევრი ადამიანი, თუ მე რაიმე დავაშავე, შევავიწროვე ან დანაშაული ჩავიდინე, ბახტაძეს პროკურატურაში უნდა განეცხადებინა და არა ამ ფარული ჩანაწერებით დავეშანტაჟებინე. ძალიან მნიშვნელოვანია დაიკითხოს ბახტაძე და ინახოს მისი მობილური ტელეფონი, თუ ვისთან ათანხმებდა ლევან მურუსიძის პიარს და ვინ იყვნენ ის პირები, რომლებიც აკავშირებდნენ მოქმედ მოსალამართლეებთან და იუსიტიციის საბჭოს წევრებთან. ეს პროკურატურამ უნდა ნახოს, ეს არის მთელი საზოგადოების ინტერესი,“ - განაცხადა შალვა რამიშვილმა.
რამიშვილი ასევე ითხოვს ლევან ბახტაძის მობილური ტელეფონის დათვალიერებას.
გამოძიება პროკურატურამ დაახლოებით 2 კვირის, შალვა რამიშვილის განცხადების საფუძველზე დაიწყო.
