მოკლული ბიზნესმენ ბესიკ ხარძიანისთვის ბიზნესის წართმევის საქმეზე ბრალის წაყენებას გია უდესიანი პოლიტიკას უკავშირებს. გია უდესიანის მიერ გავრცელებული განცხადების თანახმად, მის მიმართ სისხლისსამართლებლივი დევნა საპარლამენტო არჩევნებში მაჟორიტარ დეპუტატად კენჭისყრის გეგმას უკავშირდება.
„მე, გიორგი უდესიანი, ვაპირებდი, მონაწილეობა მიმეღო 2016 წლის ოქტომბრის საპარლამენტო არჩევნებში, კერძოდ, ჩემი მშობლიური კუთხიდან, მესტიიდან კენჭი მეყარა პარლამენტში დამოუკიდებელ მაჟორიტარად. აღნიშნული ცნობილი გახდა მოქმედი ხელისუფლებისთვის და მათი მარიონეტი პროკურატურის მეშვეობით განახორციელეს პოლიტიკური ზეწოლა და ჩემი დაბლოკვა როგორც მაჟორიტარი კანდიდატისა. აღნიშნული ცალსახად დადასტურდა პროკურატურის წარმომადგენლის, ვინმე წიკლაურის მიერ გაკეთებული განცხადებით, სადაც თვალნათლივ ჩანს რომ კითხულობს აშკარად პოლიტიკურად შეთითხნილ ვითომდა ბრალდებას. ბრალმდებლის გამოსვლას აშკარად აკლდა თავდაჯერებულობა“,- ნათქვამია უდესიანის განცხადებაში, რომელსაც მისი და - ნატო უდესიანი ავრცელებს
