სააპელაციო სასამართლოში რუსთავი 2-ის საქმის განხილვააიწყება. პროცესზე მხარეთა საჩივრებს განიხილავენ.
საქმის არსებითი განხილვა დაიწყება მხარეთა მხრიდან სააპელაციო საჩივრის მოსმენით. ანუ მოსამართლეთა კოლეგიას, როგორც რუსთავი 2-ის ასევე ქიბარ ხალვაშის მხარე წარუდგენს თავიანთ სააპელაციო საჩივარს.
რუსთავი 2-ის მხარეს ასევე ექნება რამდენიმე შუამდგომლობა, რომელიც უკავშირდება თამაზ ურთმელიძის მიერ მიღებულ გადაწყვეტილებებს სხვადასხვა შუამდგომლობებთან დაკავშირებით.
რუსთავი 2-ის ადვოკატები აცხადებენ, რომ ეს პროცესი განსაკუთრებულად სწრაფ რეჟიმში. როგორც ცნობილია, საქმის არსებითი განხილვა დაიწყო ჯერ კიდევ გასულ კვირას, მაშინ, როდესაც პროცესს ვერ დაესწრო ვერც არხის გენერალური დირექტორი და ვერც ყარამანაშვილების ოფიციალური წარმომადგენელი.
მაშინ რუსთავი 2-ის ადვოკატებმა დააყენეს 4 შუამდგომლობა, მათგან სამის დაკმაყოფილებაზე მოსამართლეთა კოლეგიამ უარი განაცხადა.
პროცესის მონიტორინგს აპირებენ არასამთავრობო ორგანიზაციები, სასამართლოზე მისვლას ასევე აპირებენ არასაპარლამენტო ოპოზიციის წარმომადგენლები, რომლებსაც მიმდინარე პროცესებთან დაკავშირებით არა ერთი კითხვა აქვთ.
მაყურებელს შესაძლებლობა ექნება ჩვენი ეთერის მეშვეობით ადევნოს თვალი სასამართლო პროცესს. კურიერი პირდაპირ ეთერში სპეციალური გამოშვებით 11 საათზე დაბრუნდება.
